Friday, 8 December 2017

அபிராமி அந்தாதி - 26




அபிராமி அந்தாதி - 26

                                                                                               


ஏத்தும் அடியவர், ஈரேழ் உலகினையும் படைத்தும்
காத்தும் அழித்தும் திரிபவராம்;- கமழ்பூங்கடம்பு
சாத்தும் குழல் அணங்கே!- மணம் நாறும் நின் தாளிணைக்கு என்
நாத் தங்கு புன்மொழி ஏறியவாறு; நகையுடைத்தே


ஏத்தும் அடியவர், ஈரேழ் உலகினையும் படைத்தும்
காத்தும் அழித்தும் திரிபவராம்;

 உன்னை என்றும் போற்றிப் புகழ்பவர்கள் யார் என்று கேட்டால் இந்த ஈரேழு பதினான்கு உலகங்களையும் படைத்தும் காத்தும் அழித்தும் திரிகின்ற மும்மூர்த்திகளான பிரம்ம விஷ்ணு மஹேஸ்வரர்கள்.

.யாரெல்லாம் உன்னைப் போற்றித் துதிக்கின்றனர் என்று?.... படைத்தல் தொழிலின் அதிபதியாம் நான்முகப்பிரம்மாவும், காத்தல் தொழிலின் அதிபதியாம்...மண்ணுண்டு...விண்ணளந்த எம்பெருமான் செங்கண் மாலும், அழித்தல் தொழிலின் அதிபதியாம் கூடல் நகரின் ஆடல் நாயகன் சிவபெருமானும் உன்னை என்நாளும் போற்றித் துதிக்கின்றனர்...


அந்த அபிராமியை வணங்குபவர்கள், எப்படிப்பட்டவர்கள்? ஒருவர், இந்த உலகைப் படைக்கிறார். ஒருவர், இந்த உலகு முழுக்க வாழக் காக்கும் தொழில் புரிகிறார். இன்னொரொவர், அனைத்தையும் அழிக்கும் சம்ஹார மூர்த்தியாக விளங்குகிறார். அந்த முத்தொழில் புரிவோரையும் இந்த உலகு முழுக்கவே ஏத்திப் பாராட்டுகிறது. ஆயினும், இந்த முதல் மூவரும்கூட, அபிராமியைத் தெய்வமெனப் போற்றுகிறார்கள்.

இங்கே, "கமலாக்ஷ நிஷேவிதா" ,
" ப்ரஹ்ம உபேந்த்ர மஹேந்த்ராதி தேவ ஸமஸ்துத வைபவா "
" ஹரி ப்ரஹ்மேந்த்ர சேவிதா"
"மஹா பைரவ பூஜிதா"
என்ற லலிதா சஹஸ்ர நாமங்களை நினைவு படுத்துகிறார் அபிராமி பட்டர்.
முன்பே ஒரு பாடலில்கூட,
சிந்திப்பவர் நற்றிசைமுக நாரணர், சிந்தையுள்ளே
பந்திப்பவர் அழியாப்பரமானந்தர்
என்று போற்றுவதையும் நாம் இங்கே பார்க்க வேண்டும்

கமழ்பூங்கடம்பு சாத்தும் குழல் அணங்கே!-

மணம் கமழும் கடம்ப மாலையை கூந்தலில் சூடிக் கொண்டிருக்கும் அழகில் சிறந்த தெய்வப்பெண்ணே!


மணம் நாறும் நின் தாளிணைக்கு

முத்தேவர்கள் மட்டுமன்றி, மற்றெல்லாரும் வந்து, வணங்கி, வணங்கி, அந்த அபிராமியின் பாத கமலங்களும் கூட மணம் வீசுகின்றன. வேத மாதா முதல், முத்தேவர்கள் வரை அனைவரும் அந்த அணங்கின் பாத கமலங்களில் விழுந்து வணங்குவதனால், அவர்கள் தலையில் சூடிய மலர்கள், அம்பிகையின் பாத கமலங்களில் விழுகின்றன. அந்த பாத கமலங்களும், அந்த அந்த மலர்களின் வாசத்துடன் திகழ்கின்றன.

 மும்மூர்த்திகளாலும் தொழப் படுபவள் நீ.. அவர்கள் உன்னை என்ன சொல்லித் துதிப்பார்கள்?? நாமறியோம்... தேவாதிதேவர்களெல்லாம் உன்னை என்ன சொல்லித்துதிப்பார்கள்?? நாமறியோம்.. எம் சிற்றறிவுக்கெட்டிய சிறு சொற்களால்,,

என்நாத்தங்கு புன்மொழி ஏறியவாறு; நகையுடைத்தே

கீழான சொற்களால் உன்னைத் துதிக்கிறேன்... அதையும் நீ ஏற்றுக் கொள்கிறாயே... இதென்ன நகைச்சுவை... ? என்கிறார். இவ்விடத்து அன்னை  அபிராமி எளியோர் சொல்லையும் தம் கவனத்தில் ஏற்கும் கருணையுடைவள் என்ற அவளது பெருமையும், அன்னையைத் துதி செய்ய மிகச்சிறந்த பாடல்களைப் பாடிவிட்டு இதெல்லாம் மிகவும் கீழான சொற்கள் என்று கூறும் அபிராமிப் பட்டரின் எளிமையும் தன்னடக்கமும் இப்பாடலின் மூலம் வெளிப்படுகின்றன..அபிராமிப் பட்டரின் பாடல்களையே அவர் அவ்வாறு சொல்லும்போது, அறியாது விளக்கமளிக்கும் இவ்வடியேனின் சொற்களெல்லாம் எவ்விடம்தான் போகும்?

இவ்விடத்து தனது நாவில் தங்குகின்ற கீழான வார்த்தைகள் என்று அபிராமிப் பட்டர் குறிப்பிடுவது அபிராமி அந்தாதியை... நமக்கெல்லாம்
அபிராமி அந்தாதியே வேதம்.. அன்னையின் புகழ்பாடும் சிறந்த பாடல் நூல். ஆனால் அதை எழுதிய அபிராமிப் பட்டரோ எளியவன் என் நாவில் இருந்து புறப்பட்ட கீழான வார்த்தைகள் என்று அடக்கமாகக் குறிப்பிடுகிறார்.. ஆனால் அதையும் நீ ஏற்றுக் கொண்டாயே... இது சிறந்த நகைச்சுவை என்கிறார்.

இப்படிப்பட்ட பாத கமலங்கள், என்னுடைய இனிமை இல்லாத பிதற்றல் மொழிகளையும் கூட ஏற்று விளங்குவது வியப்பான ஒன்றுதானே! இப்படிப்பட்ட சௌலப்யத்துடன் விளங்குகிறாளே இந்த அபிராமி பிராட்டி என்று வியக்கிறார் பட்டர்.

முதல் மூவரும் போற்றும் திருவடிகளுக்கு கீழான எனது பாடல்களும் அணிகலன்களாகப் போனது தான் என்ன வியப்பு? அன்னையின் எளிவந்த தன்மை தான் என்னே? என்று வியக்கிறார் பட்டர்.


பதினான்கு உலகினையும் முறையாகப் படைத்தும், காத்தும், அழித்தும் தொழில் புரியும் தேவாதி தேவர்கள் முறையே பிரம்மா, விஷ்ணு, சிவன் என்னும் மும்மூர்த்திகளாவார்கள். இம் மும்மூர்த்திகளும் போற்றி வணங்கக்கூடிய அன்னை, அபிராமியேயாகும். இத்துணை பெருமையும், மணம் வீசுகின்ற கடம்ப மாலையையும் அணிந்தவளாகிய ஆரணங்கே! மணம் வீசுகின்ற நின் இணையடிகளில், எளியேனாகிய என்னுடைய நாவினின்று தோன்றிய வார்த்தைகளைச் (அபிராமி அந்தாதி) சாத்துகின்றேன். அவ்வாறு நின் திருவடியில் என் பாடல் ஏற்றம் பெற்றிருப்பது, எனக்கே நகைப்பை விளைவிக்கின்றது.




                                   






    












                                                                                                                                                                     

Thursday, 7 December 2017

சுவாமிமலை வள்ளிகல்யாணம் ......செய்தித் தொடர்... 3


                                                              சுவாமிமலை வள்ளிகல்யாணம் ......செய்தித் தொடர்...  3

                                                                                                 


  வள்ளி கல்யாணம்  தத்துவம் பற்றி அருமையாக விளக்கமளிக்கிறார் 

அன்பர் சாந்தா  ராஜன் ( பெங்களூர்)

 'நம் ஸநாதன தர்மம் (Sanatana Dharma) வேதங்களை அடிப்படையாகக் கொண்டு அதன் நெறியில் அறம், பொருள், இன்பம்,வீடு என்ற நான்கு பேறுகளையும் விரிவாக உணர்த்துகிறது. உபநிஷத்துக்கள் வேதங்களின் சாரத்தை வேதாந்தமாகஎடுத்துரைக்கின்றன. ஆனால் இவையெல்லாம் கற்றறிந்த பண்டிதருக்கே உதவுகின்றன. சமுதாயத்தில் உள்ள பாமரர்களும்வேதநெறியில்செல்லவேண்டுமென்றால்,,உண்மையானமெய்ப்பொருளை   அறிய  வேண்டுன்றால்அவர்களுக்கு எளிதாகப் புரியும்படிஎடுத்துச் சொல்ல வேண்டும்.. தேனில் குழைத்து கொடுப்பதுபோல் புராணங்களின் மூலம் புகட்டினால் ஒவ்வொன்றின் தத்வார்த்ங்கள் புரியும்.

முருகன்வள்ளியைஆட்கொள்ளவேண்டிபல திருவிளையாடல்களைப் புரிந்துள்ளான். பரமாத்மாவான முருகன் வலியச் சென்றுஜீவாத்மாவான வள்ளியை தனதாக்கிக் கொண்டதே இதன் தத்துவம்.

இது வள்ளியின் திருமணம் மட்டுமல்ல. நம் ஒவ்வொருவரின் திருமணமும் கூட. ஆண்டவனை அடையும் பொருட்டு ஒவ்வொருஜீவனும் கொண்டுள்ள ஏக்கத்தை பக்தி பூர்வமாகவும், உணர்வு பூர்வமாகவும் பாடி, ஆடி, கசிந்து உருகி, ப்ரபஞ்சத்தின் ஒரேபுருஷனாகிய ஸுப்ரமண்யனை (பரப்ரம்மத்தை) அடைவதே இந்த திருமணத்தின் நோக்கமாகும்.

   அருவமும் உருவமாகி, அநாதியாய்ப் பலவாய் ஒன்றாய்
   ப்ரம்மமாய் நின்ற சோதிப் பிழம்பு (பரப்ரம்மம்)
   ஒரு மேனியாகி, முருகனாய் உலகமுய்ய உதித்தனன்.

உலகில் உள்ள ஜீவராசிகளுக்கெல்லாம் பிரதிநிதியாய் வள்ளி நிற்கிறாள். அவள் இச்சா சக்தியின் உருவகம். பரம்பொருளுக்குஎப்பொழுதுமே ஜீவன் மேல் கருணையுண்டு. ஒவ்வொரு ஜீவனும் பாச பந்தங்களுக்கு அப்பாற்பட்டு, பக்குவப்பட வேண்டியதருணத்திற்காகத்தான் காத்துக் கொண்டிருக்கிறார்.

வள்ளி என்ற உருவகம் கொண்ட ஜீவாத்மாவை இப்பொழுது சந்திப்போம். அவள் பிறந்த குலம் வேடுவர் குலம். வேடுவர்கள்அற்றைக்கு இரை தேடுபவர்கள். அன்றைய பசியைத் தீர்த்துக்கொள்பவர்கள். அத்தத்திலும் (பொ: அன்றாட தேவைகளிலும்) ஆசைகொண்டவர்கள். இறைவனைப் பற்றி அறியாதவர்கள், அவனைப் பற்றத் தெரியாதவர்கள். அவர்களின் அரசனான நம்பி ராஜன்
முன்செய் பயனாய் ஒரு பெண் முத்தை வள்ளிக்கிழங்கு செடியடியில் கண்டெடுத்து வளர்த்து வருகிறான். வள்ளி என்ற ஜீவன் மற்றஜீவன்களைவிட மேம்பட்டு இருக்கிறது. அவள் இறைவனைப் பற்றி தெரிந்து இருக்கிறாள், இன்னும் அறியவில்லை. நேரே காணவிழைகிறாள். அற்றைக்கு இரை தேடாமல் மறுமைக்கு முக்தியை தேடுகிறாள்.

அஷ்டாங்க யோகம் மூலமாகப் பெரு முயற்சி செய்கிறாள். முதல் இரண்டு அங்கங்களான இயமம், நியமம் மூலம் உயிர் குடிகொண்டுள்ள உடலை கோவிலாக பேணுகிறாள். புற அழுக்குகள் படாமல் 'சிற்றேனல்' காக்கின்றாள். இதற்காகயோகாசனம்பயில்கிறாள். 'ஆலோலம்' பாடி மகிழ்கிறாள். 'ஹம்ஸோஹம்' என்ற பிராணாயாம தியான வழிபாடு உதவுகிறது. சுவை, ஒலி, ஊரு, ஓசை,
நாற்றம் என்னும் பஞ்சேந்திரியங்களை வெளி விஷயங்களிருந்து தன்னை அப்புறப்படுத்துகிறாள். ப்ரத்தியாகாரம் என்னும் யோகவகையில் எதிர்மறைகளான கோபம் மற்றும் மத மாச்சரியங்களை (பொ: பகைமை, பொறாமை) அறவே நீக்குகிறாள். இதையே 'குருவிஓட்டித்' திரிந்த பெண்ணாக அருணகிரியார் காண்கிறார். 'தியானம்' மற்றும் 'தாரணை' மூலாமாக மனதை ஒருமுகப்படுத்தித் தவம்மேற்கொள்கிறாள். 'சமாதி' எனப்படும் எட்டாவது அங்கத்தில் பரப்ரம்மத்துடன் ஒன்றுவதற்குண்டான நிலை பெற அவளுடையமுயற்சி மட்டும் போதவில்லை. அத்தருணத்தில் பரமாத்மாவான முருகன் அவளை ஆட்கொள்ள வருகிறான்.

முதலில் அவளை பரீட்சை செய்ய அவர்களில் ஒருவனான வேடுவனாக வந்து மணம் புரியக் கேட்கிறான். வள்ளி உலகவாழ்க்கையில் உழல மறுக்கிறாள். ஆனால் வந்தது பரப்ப்ரம்மம் என்று அறியவில்லை. முருகன் வேங்கை மரமாக உரு எடுக்கிறான்.அஞ்ஞான இருளை அகற்றி ஞானம் தரும் தருவாக நிற்கிறான். அதன் பின் கிழவனாக (தலைவனாக) வந்து ஆச்ரயிக்கிறான்.குருவாகி தீட்சை (தீக்கை) தந்து மும்மலங்களையும் இருவினையையும் போக்குகிறான்.

இப்பொழுது வள்ளி என்னும் ஜீவன், சத்தினிபாதத்திற்கு (பொ: மறைந்திருந்து அருள் பாலித்தல்) உரியவள் ஆகிறாள். ஓம்காரமந்திரத்தின் உட்பொருளை முருகன் உணர்த்துகிறான். ப்ரவணத்தின் நாயகனான விநாயகர், யானையின் உருவம் தாங்கி வருவது இதை குறிக்கிறது. பரமாத்ம - ஜீவ - ஸ்வருப - ஐக்யத்தை உலகுக்கு உணர்த்துவது தான் வள்ளி திருமணத்தின் உட்கருத்து.

சிவ யோகநிலையில் சித்திர தீபம் போன்ற அநுபூதி பெற அஷ்டாங்க யோகத்தை அருணகிரிநாதர்,

 'ஆசை நாலு சதுரக்கமல' 

என்ற பாடலில் எடுத்துரைக்கிறார். அவன் அருள் அல்லாது அதை அடைய முடியாது. ஆகவே நம் சார்பாக ஆண்டவனிடம் 'யோக பேதவகை எட்டும்' தந்தருள வேண்டுகிறார்.

   ஊமையேனை ஒளிர்வித்து உனது முத்திபெற
   மூலவாசல் வெளி விட்டு உனது உரத்தில் ஒளிர்
   யோக பேத வகை எட்டும் இதில் ஒட்டும் வகை இன்று தாராய்
   காதல் சோலை வளர் வெற்பில் உறை முத்தர்புகழ் ...... தம்பிரானே."

(கௌமாரம் இணைய தளத்துக்கு நன்றி )

தஞ்சை சேகரின் குதூகலம் 

 வைரவேல் சுவாமிநாதா சரணம்.

இன்று சுவாமிமலை சுவாமிநாதனுக்கு வைரவேல் சாத்துவார்கள். மிக அருமையாக இருக்கும். மிகவும் அற்புதமாக இருக்கும். அதுவே இன்றைய சரணமாக அமைந்துள்ளது.  ஆற்றுப்படுத்திய அறுபடை வீடுடையவனின் சரணங்கள் எந்த வரிசையில் வருகின்றன என்ற வினா உள்ளத்தில் எழுந்தது. அது வள்ளிக்கல்யாணம் நடைபெற்ற, நடைபெறுகிற, நடைபெற உள்ள வரிசையிலே வருகின்றது. 
பழநியிலே குருஜி அனைவரையும் வருக வருக என அன்பால் ஈர்த்து நடத்திய வள்ளிக்கல்யாணம் நினைவில் வருகின்றது. அடுத்து குருஜிக்கு மிகவும் இஷ்டமான செந்திலாண்டவனின் செந்திலம்பதியில் அருவாய் இருந்து ஆசி கூறி வள்ளிக்கல்யாணத்தை நடத்திக்கொடுத்தார்கள்.
அடுத்து திருத்தணியிலே முருகனே முன்னி்ன்று குருஜி கூறிய வழிமுறையிலே நடத்திக்கொண்டான். 

தற்போது சுவாமிமலையிலே..

நினைக்கும்போதே உள்ளமெல்லாம் பலப்பல நினைவுகளுடன் மகிழ்கிறது.

சரவணபவா என்ற ஷடாட்சர மந்திரத்தின் மூன்றாவது எழுத்து  'வ'. 

வ என்பது முக்தி,  சாத்விகம், நித்ய திருப்தி மற்றும் போக மந்திரம் இவற்றை குறிப்பதாக உள்ளது. 

இரண்டாவது அநுபூதி பாடலின் மூனறாவது வார்த்தை  யோக என்பதாகும். இது சிவயோக தயாபரனாக பழநியில் நிற்கின்ற அருட்கோலத்தை  குறிப்பதாகும். 

சரவணபவ என வரும் திருப்புகழ்....

அரகர சிவனரி அயனிவர் எனத் தொடங்கும் திருத்தணி திருப்புகழில் சரவணபவனே என்றும் அழைக்கின்றார்.
பகர்தரு குறமகள் என்று வள்ளியையும், 
தருவமை வநிதை என்று தெய்வானையையும் அநுதினம் மனம் மகிழ்வுற அழைக்கின்றார்.

அருணகிரிநாதருக்கு ஷடாட்சர மந்திர உபதேசம் நல்கினான். பாத தரிசனம் தந்தான். ஜபமாலை தந்தான். புகழ் பாடுக என்றான். அருணகிரி அறியாது விழித்தார்.!

முத்தைத்தரு பத்தித்திரு நகை
அத்திக்கிறை சத்திச் சரவண
முத்துக்கொரு வித்துக் குருபர என ஓதும்
 என்று அடியெடுத்துக் கொடுத்து ஆரம்பித்து வைத்தார்.
கந்தனே குருபரனாகி வித்தாகி பக்தியை பெருக்கி முக்தியை எய்திடச் செய்வான். திருப்புகழ் என பெயர் கொடுத்தான். விருப்பமொடு பாடு என்றான்.     
அந்த பாடல்களுக்கு நமது குருஜி மூலம் இசை அமைத்துக் கொடுத்து இசை வழி பாடுக என்று அருளி உள்ளான் ..அந்த இசை வழிபாட்டின் மூலம் வள்ளிக்கல்யாணம் நடத்திடுக என்றும் அருளி உள்ளான்.


அதன்படி 

 முருகன் - வள்ளி திருக்கல்யாணம் சுவாமிமலையில் நடத்திக்கொள்ள முருகன் இசைந்துள்ளான்.
அதற்கு இன்னும் மூன்று காலைப் பொழுதுகளே.

அன்பர் அய்யப்பன்  அனுப்பியுள்ள செய்தி 

"நமது குருஜி இந்த வள்ளி கல்யாணத்தை செவ்வனே ப்ரத்தியேகமாக்கி இசை வழிபாடாக நடத்தி வைக்க திருப்புகழில் இருந்து வாக்கியங்களை பொருக்கி எடுத்து மாலையாக்கி வள்ளி மணாளனுக்கு அணிவித்தார்கள். அந்த மாலையின்  ஞானப்பூக்கள் சேகரிகப்பட்டு கிடைக்கும் இடமாக  உண்டாக்கப்பட்டதே அந்த சின்ன வள்ளி கல்யாண புத்தகம். 

கல்பாக்கம் திருப்புகழ் அன்பர்கள்  அந்த புத்தகத்தை மறுபதிப்பு அச்சிட்டுள்ளார்கள். இந்த வள்ளி கல்யாண மலர் சுவாமி மலையில் வள்ளி கல்யாணத்தின் போது கிடைக்கச் செய்வான் நமது முருகன். 

அன்பர்கள் அனைவருக்கும் ஓர் வேண்டுகோள்

 இசைவழிபாடு புத்தகம் வள்ளி கல்யாண புத்தகம் கைவசம் உள்ளோர்கள்  அதை மறக்காமல் கொண்டு வாருங்கள். வள்ளி கல்யாணத்தின் போது சுவாமி மலையில் சந்திப்போம்."


பெங்களூரு அன்பர்கள் முதற்கண் சிதம்பரத்துக்குச் சென்று  9.12.2017 சனிக்கிழமை அன்று மாலை 4.30 முதல் தொடங்கி மூன்று மணி அளவு திருப்புகழ் இசை வழிபாடு நிகழ்த்தி அருள் வேண்டுகிறார்கள்.ஆடல் அரசன் நடராஜப் பெருமானை கண்குளிர தரிசித்தபின் ஆடல் பாடலுடன் ஏரகத்துக்கு விரைகிறார்கள்.

அருகில் உள்ள அன்பர்கள் சிதம்பரம் வழிபாட்டில் கலந்து கொள்ளுமாறு வேண்டுகிறோம்,


வள்ளிகல்யாண வைபவத்தில் நாம் கடைபிடிக்க வேண்டிய நெறிமுறைகளை குருஜி உபதேசிக்கிறார்.

(பழனி வள்ளி கல்யாண வைபவம் நிகழ்ச்சியில் )



                                                                                       

வள்ளி கல்யாணத்துக்கு விரைவோம் .ஏரகத்து இறைவனைப் போற்றுவோம்.


 சிவபிரானிடத்தில் தோன்றிய சுவாமி,
 மயிலின் மீது நடனம் செய்யும் சுவாமி,
 எம்முடைய உள்ளத்திலே சிறப்பாகவிளங்கும் சுவாமி,
தனது திருவுருவத்தின் பேரொளியை அடியார்கள் காணுமாறு விளக்கமாகத்
தோன்றும் சுவாமி,
பிறவியை அடியோடுதொலைத்தருளும் சுவாமி,
பாவங்களைப் போக்கி ஒழிக்கும் சுவாமி,
 முநிவர்கள் செய்யும்தவப்பொருளாக விளங்கும் சுவாமி,
அடியார்கள் செய்யும் பிழைகளைஎல்லாம் பொறுத்தருளும் சுவாமி,
 தேவர்களை விண்ணில் குடிபுகச்செய்து அங்கு நிலைபெற வைத்த சுவாமி,
அசுரர்களைப்பொடியாகும்படி நெரித்து அழித்த சுவாமி,
யாம் செய்ய வேண்டிய தொண்டுஇன்னதென்று நிர்ணயிக்கும் சுவாமி,
 சரவணபவனே,
தந்தைக்கு குருஸ்வாமியாக வந்த பெருமாளே.

என்று போற்றுவோம்.ஆடுவோம் பாடுவோம் அருள் பெறுவோம்.

கொசுறு 

கும்பகோணம் தொண்டர்கள் செயலில் இறங்கி ,சீர் பட்சணம் தயாரிப்பதில் தங்கள் கைவரிசையை காட்டுகிறார்கள் 




                                                                                             


                                                                                         









                                                 முருகா சரணம்                                                                                           


                                                                                                                                                                                                     

Tuesday, 5 December 2017

சுவாமிமலை வள்ளிகல்யாணம் ......செய்தித் தொடர்... 2


சுவாமிமலை வள்ளிகல்யாணம் ......செய்தித் தொடர்...  2

                                                                                   




அன்பர்களே 

அமைப்பாளர் அன்பர் ஐயப்பனிடமிருந்து அண்மையில் வந்துள்ள செய்தி.

"அன்பர்களே 
 எல்லா அன்பர்களும் சுவாமி மலைக்கு செல்லுவதற்கான பயண ஏற்பாடுகள் தங்குவதற்கான ஏற்பாடுகளை செய்திருப்பார்கள்.  கல்பாக்கம் அன்பர்கள் சுவாமி மலை வள்ளி கல்யாணத்திற்கு செல்ல  50 இருக்கைகள் கொண்ட ஒரு பஸ் ஏற்பாடு செய்துள்ளார்கள் அந்த பஸ் 9.12.2017 கலை 9 மணி அளவில் சென்னை கிண்டியிலிருந்து புறப்பட்டு தாம்பரம் கேளம்பாக்கம் வழியாக கல்பக்கம் செல்லும். அங்கு மதிய உணவிற்குப் பின் ஒரு மணி அளவில்  பாண்டி கடலூர் கங்கை கொண்ட சோழபுரம் வழியாக மாலை ஆறு மணி அளவில் சுவாமிமலை சென்றடையும். மறு மார்க்கத்தில் 10.12.2017 அன்று மாலை மூன்று மணி அளவில் சுவாமிமலையில் இருந்து புறப்பட்டு இரவில் சென்னை வந்தடையும். இந்த பஸ்ஸில் கொஞ்ச இடம் உள்ளது. அன்பர்கள் எவருக்கேனும் சுவாமி மலை சென்று வர இடம் தேவை எனில் அவர்கள் அடியேனை, 9444049061 கைபேசியில் தொடர்பு கொள்ள வேண்டுகிறேன்.

திருப்புகழ் புத்தகத்தையும் வள்ளி கல்யாண புத்தகத்தையும் மறக்காமல் கொண்டு வர வேண்டும்.

குருஜி உபதேசித்துள்ள "வழிபாட்டில் நாம்   கடைபிடிக்க வேண்டிய நெறி முறைகளை " யும்  நினைவு படுத்துகிறார்.


"நமது குருஜி ஒவ்வொரு பஜனையிலும் சொல்லுவார்கள். நாம் திருப்புகழ் பாடும் போது ஏக சித்த மனதோடு முருகனையும் திருப்புகழையும் தவிர வேறு எந்த எண்ணத்தையும் மனதில் நுழைய விடக்கூடாது. திருப்புகழ் மட்டுமே பாடப் பட  வேண்டும் மற்ற சத்தம் வரவே கூடாது என்பார்கள். மற்ற நேரங்களிகளிலும் சாந்தி கீதம் முடிந்த பிறகும்  - அந்த அமைதி - அமைதியை கடைபிடிக்க வேண்டும். யாரும் பேசக்கூடாது. இது நமது குருஜி நம்மை அனுஷ்டிக்க சொன்னது. அதை செய்வோம்.
 அருணகிரி நாதர் சொல்லுவார். - விரித்த அருணகிரி நாதன் உரைத்த தமிழ் எனும் மாலை மிகுத்த பலமோடு ஓத மகிழ்வோனே - என்று. அது போல காவடி சிந்து பாடிய சென்னிகுளம் அண்ணாமலை  ரெட்டியாரும், -  அருணகிரி நாவில் பழக்கம் தரு சந்தத் திருப்புகழ் முழக்கம் பல அடியார்கள் கணம் ஓதினில்    அமராவதி இமையோர் செவி அடைக்கும் அண்டம் உடைக்கும் - என்று.. அப்படி பாட வேண்டும் ஆறு மணி நேரம். பாடும் போது மூடிய கண்கள் மூடியபடியே இருக்க வள்ளி நாச்சியாரையும் முருகனையும் மனக்கண் முன் நிறுத்தி  நமது குழந்தைச் செல்வங்கள் அவரவர்கள் விருபப் படியே வரன்கள் அமையப்பெற்று சகல செல்வ மோக மிக்க பெருவாழ்வு வாழ , காதலாகி , கசிந்து  , கண்ணீர் மல்கி திருப்புகழ் பாட வேண்டும் அதற்கு நம்முடைய குருஜி நம் மனதில் சனித்தியமாக வீற்றிருந்து அருளுவார்."


முருகா சரணம்  முருகா சரணம்  முருகா சரணம்    

இந்த சந்தர்ப்பத்தில்   அன்பர்  தஞ்சை சேகர் மற்றொரு தளத்தில் தொடர்ந்து அளித்து வந்த கந்தர் அனுபூதி தொடர் விளக்கவுரையை 
"குருவாய் வருவாய் அருள்வாய் குகனே" என்ற மஹா மந்த்ர வாக்கியத்தோடு  நிறைவு செய்தது வள்ளி கல்யாண வைபவத்துக்கு ஒரு முன்னோடி என்றே கூற வேண்டும்.

அதை   ஒரு யாக பூர்த்தியாகவே கருதுகிறோம்..அதோடு தினமும் நம்மை சுவாமிமலை வள்ளி கல்யாண வைபவத்தை நினைவு படுத்தி நம்மை தயார் நிலையில்  இருக்கச் செய்தார். "குருவாய் வருவாய் அருள்வாய் குகனே " என்ற நம் தாகத்தை தணிக்க குருமலைக்கு நம்மை அழைக்கும் தூண்டுகோலாகவும் அமைந்தது.

அந்த வகையில் ,அப்பாடலையும் விளக்கத்தையும்  மீண்டும் இங்கு அளிப்பதில் மகிழ்ச்சி அடைகிறோம்.



கந்தர் அநுபூதி பாடல் 51.
உருவாய், அருவாய், உளதாய், இலதாய், 
மருவாய், மலராய், மணியாய், ஔியாய்,
குருவாய் வருவாய் அருள்வாய் குகனே 

இறைவன் உருவாய் இருப்பான். அருவமாயும் இருப்பான். அருஉருவாயும் இருப்பான். எங்கேயும் எப்போதும். எல்லாவற்றிலும் நிறைந்திருப்பான். உரு, உருவரு, அரு என்ற மூன்று நிலைகளைக் கொண்டும் அதனை கடந்தும் உள்ளவன்.
முருகன் உதித்ததை கந்தபுராணம் கூறுகிறது: ' அருவமும் உருவமுமாகி அனாதியாய் பலவாய் ஒன்றாய் பிரம்மமாய் நின்ற ஜோதிப் பிழம்பு அது ஓர் மேனியாகி கருணை கூர் முகங்கள் ஆறும் கரமது பன்னிரண்டுங் கொண்டே ஒரு திருமுருகன் வந்து ஆங்கு உதித்தனன் உலகம் உய்ய."

(நமக்கு உதித்தது 

உருவமாக ஏரகத்திறைவனையும் ,அருவமாக நம் குருஜியையும் ,உரு,....உருவரு, ,.......அரு  என்ற மூன்று நிலைகளிலும் இருவரையும் தரிசிக்கலாம். )

உளதாய் இலதாய் என்பதில் முருகனுடைய இருப்பு நிலையை அருணகிரிநாதர் குறிப்பிடுகின்றார். அன்பு பாராட்டுபவர்களுக்கு அவன் இருக்கின்றான். பாராட்டாதவர்களுக்கு இல்லாதவன் போல மறைந்து கொள்கிறான். குழந்தையும் தெய்வமும் கொண்டாடும் இடத்திலே என்னும் பழமொழிக்கு ஏற்ப அன்பர்களுக்கு அவன் என்றும் நீங்காத்துணையாய் இருக்கின்றான்.

(நமக்கு உதித்தது 
தொண்டராற் காணப் பெறுவோனே ... உன் அடியார்களால்
காணப்பெறும் தன்மை உடையவனே,


மிண்டராற் காணக் கிடையானே ... ஆணவம் மிக்கவர்களால்
காணக் கூடாதவனே,


 வண்டு எவ்வாறு மலர்களின்தேனைத் தேடிக் களிக்கிறதோ அவ்வாறு உனது அருளை நான் தேடிக்களிக்குமாறும்,. குரங்கு எவ்வாறு மரக்கிளைகளைத்தாண்ட வல்லதோ அவ்வாறே நானும் காலனின் பாசக் கயிற்றின்பிணிப்பைத் தாவும் வல்லமை பெறுமாறும்,செண்டாயுதத்தை* எறிந்தால்எவ்வாறு பகை மாய்க்கப்படுகிறதோ அவ்வாறு நான் பாசங்களுடன்போராடி வெல்லுமாறும், அலைந்து திரியும் என்
மனத்தை மாய்த்து சும்மா இருக்கச் செய்து மெய்யறிவைத் தந்தருள்வாயாக.)

மருவாய் மலராய்..

 மருவுதல் என்பது சேர்தல் ஆகும். மலரில் இருக்கின்ற பூந்தாது நம் மூக்குக்கு வந்து சேர்வதனால் அதற்கு மரு என்னும் பெயர் வந்தது.  

( நமக்கு உதித்தது 

குருஜி மருவாய் நம்முடன் சேர்ந்தார்.நம்மை எல்லாம் ஒன்றாய் சேர வைத்தார்.திருப்புகழ் சுகந்தத்தை நம்மிடம் சேர்த்து பரவசப்படுத்தினார்."

மருவிலும் மலரிலும் இறைவன் கலந்துள்ளதைப்போலவே மணியிலும் ஔியிலும் அவன் கலந்துள்ளான்.

எங்கும் நீக்கமற நிறைந்து அவற்றை இயக்கியும் அவை இயங்கும் பொருட்டுத் தானும் இயங்கியும் ஆன்ம முன்னேற்றத்தைச் செய்து வருகின்றான்.


(நமக்கு உதித்தது 

அவ்வாறே குருஜி நம்மை இன்றளவும் இயக்கிக் கொண்டுதான் உள்ளார்.

குருவாய் வருவாய் அருள்வாய் குகனே 

கரு என்றால் மூலப்பொருள்; வித்தானவன் இறைவன். எல்லாவற்றுக்கும் மூலமாய் முளைத்தவன். உயிருக்கு உயிராய் விளங்குபவன்..
ஆன்மாக்களுக்கு கருவைத் தந்து , அதில் உயிர் பொருந்தும்படிச் செய்கின்றான். எந்த உயிர் எந்த கருவில் சேர வேண்டுமோ அவற்றில் தானே கலந்து அவனே கருவாகவும் , உயிராகவும் விளங்குகின்றான். அவன் கருவாய் , உயிராய் ஒருமுறை இருந்து விட்டு ஒதுங்கிக் கொள்வதில்லை ..மாறாக அந்த கருவோடும் உயிரோடும் இருந்து , கலந்து இருந்து , பல பிறவிகளை எடுக்க வைத்து , அதன் குறிக்கோளை உணரவைத்து,  கதியாக உள்ள முக்தி நிலையை அடையும் வரை துணையாக இருக்கின்றான். அதன் பின்னரும் உடன் இருக்கின்றான்.

( நமக்கு உதித்தது 

குருஜி கரு. நாம் உயிர். நம்மைப் பொறுத்தவரையில் குருஜி இன்றும் நம் இதயத்தில் பிரகாசிக்கிறார்.

விதி  என்றால் வழி எனவும் பொருள் படும். இறைவனை நாடுவதற்கு வழியை அவன்தான் நம்முள் செலுத்த வேண்டும்.  வழி, வழி பாட்டு முறை, வழிபாட்டின் குறிக்கோள் யாவுமே கந்தனாக இருக்கின்றான்.

( நமக்கு உதித்தது 

குருஜி நமக்கு வழிகாட்டியாகவும்,இறைவனை நாடுவதற்கு வழியை நம்முள்  செலுத்தியும்,   வழி, வழி பாட்டு முறை, வழிபாட்டின் குறிக்கோள் யாவற்றையும் நமக்கு உணர்த்தி,நம்மை செம்மைப் படுத்தி யும்  கந்தனாகஎன்றும் அருள் பாலிக்கிறார்.


ஆடும் பரிவேல் அணி சேவல்  அதாவது வேலும் மயிலும் துணை என்று அநுபூதி பாடல் ஆரம்பமானது..

குருவாய் வருவாய் அருள்வாய் குகனே என்று  அநுபூதி பாடல்  முடிகிறது.

இரண்டுமே மஹா மந்திர வாக்கியங்கள். 

கு -- அந்தகாரம், அஹங்காரம், அஞ்ஞானம் ஆகிய இருளை
ரு  -- அழிப்பவன். இருளை அழிக்க ஔி ஏற்றி வைப்பவர் குருவே. குரு என்றாலே ஞான போதகன். ஞான ஆசிரியன். அஞ்ஞான இருளை நீக்கி ஞான ஔியைத் தருபவன்.

குருவாய் வருவாய் அருள்வாய் என்கிறார்..முருகன் குருவாய் வந்தாலும் , அவன் அருள் இருந்தால்தான் அதனை உணரமுடியும்..
அருளவேண்டும்  என்ற தாகம் அன்பர்களுக்கு வேண்டும். 

அருணகிரிநாதர் உபதேசம் பெற்று , அநுபூதியை பெற்றவராய் இருந்த போதிலும் இந்தப் பாடலில் குருவாய் வர வேண்டும் என்று முருகனை ஏன் கேட்கின்றார். அதற்கு காரணம், இந்த வேண்டுகோளை அவர் தமக்காக செய்து கொள்ளவில்லை. தாம் பெற்ற அநுபூதி நிலையை மற்றவர்களும் பெற வேண்டும் என்பது அவரது கருணை உள்ளத்தின் விருப்பமாகும். நமக்காகவே இந்த வேண்டுகோளை விடுத்துள்ளார் எனத் தோன்றுகிறது.

அந்த அருணகிரிநாதரின் உள்ளத்திற்கு நன்றி செலுத்த வேண்டும்.  எவ்வாறு செலுத்துவது அவர் கூறிய நெறி முறைகளை பின்பற்றி அநுபூதி பாடல்களை பாடிக் கொண்டே இருப்பது ஒன்றுதான் நம்மால் செய்யக்கூடிய கைம்மாறாகும். 

நமது குருஜி அவர்கள் இசைவழி பாடு என்ற வழி முறையை நமக்கெல்லாம் முருகனின் ஆணையால், அருணகிரிநாதரின் ஆசியால் வழங்கி உள்ளார்கள். அதன் ஒரு பகுதியாக வள்ளிக் கல்யாணம் என்ற பத்ததியை திருப்புகழ் பாடல்கள் மூலமாக இசையோடு இசைந்து பாடும் வழிமுறையையும் ஏற்படுத்தி கொடுத்துள்ளார்கள்.

அந்த திருமணத்தை பழநியிலே, திருச்செந்தூரிலே, திருத்தணியிலே முருகன் நடத்திக்கொண்டான்.தற்போதுசுவாமிமலையில் .

(நமக்கு உதித்தது 

தந்தைக்கு உபதேசம் செய்த திருத்தலமான குருமலையில் அருள்பாலிக்கும் சற்குரு  பெருமானை 

"குருவாய் வருவாய் அருள்வாய்" என்று வள்ளி கல்யாணவைபத்தில் இறைஞ்சுவோம்.அருள் பெறுவோம்.    

ஏரகத்து இறைவன் பாடல் ஒன்றே இசை வடிவில் கேட்போம். 


                                                                                                                                                                             

                                                  முருகா சரணம்    

Sunday, 3 December 2017

புதிய வரிசை எண் 495 வழிபாடு புத்தக எண் வரிசை 200


குருமஹிமை   இசை  புதிதாக சேர்க்கப்பட்ட பாடல்கள்  476-503
 புதிய வரிசை எண்  495   வழிபாடு புத்தக எண்  வரிசை  200

"தூதாளரோடு " என்று தொடங்கும் பாடல் 


                                                             பாடலும் பொருளும் காண குறியீடு

                                         http://thiruppugazhamirutham.blogspot.in/2013/03/200.html


                                              விராலிமலை திருத்தலம் பற்றிய தகவல் 

                                                             http://temple.dinamalar.com/New.php?id=658

                                                                                     பாடல் இசையுடன் 

                                                                      17.10.2010 விஜய தசமி வழிபாடு 


                                                                                                           
                                              https://www.youtube.com/watch?v=e7gEPfctsp0&feature=youtu.be
                                    
                                                     விராலிமலை படிவிழா 


                                                                                                                                                             

                                                                       Utube  Link for ANDROID  and   IPAD   PHONE  

                                                                https://www.youtube.com/watch?v=8revqyBck0s
                              
                                                              முருகா சரணம் 

Thursday, 30 November 2017

அபிராமி அந்தாதி - 25



                                                                   அபிராமி  அந்தாதி - 25
பின்னே திரிந்து உன் அடியாரைப் பேணி பிறப்பு அறுக்க
முன்னே தவங்கள் முயன்று கொண்டேன் முதல் மூவருக்கும்
அன்னே உலகுக்கு அபிராமி என்னும் அருமருந்தே
என்னே இனி உன்னை யான் மறவாமல் நின்று ஏத்துவனே


அன்பர் தொகுத்து அளித்துள்ள விளக்கவுரை 
"பின்னே திரிந்து உன் அடியாரைப் பேணி பிறப்பறுக்க முன்னே தவங்கள் முயன்று கொண்டேன்"..
உன் அடியவர்களின் பின்னால் திரிந்து அவர்களை அடி பணிந்து அவர்களுக்குப் பணிவிடை செய்து என் பிறப்பிறப்புத் துன்பத்தை அறுத்துக் கொள்ளும் பாக்கியத்தை பலகாலமாக செய்தத் தவங்களின் பயனால் அடைந்தேன்.

உலகத்தோர் இப்பிறப்பில் செய்யும் புண்ணிய பாவங்கள் அடுத்த பிறப்பில் தமது தகுதியை நிர்ணயம் செய்யும் என்று நம்புகிறார்கள்..இதற்கெனவே தான தர்மங்களை நிகழ்த்திக் கொண்டிருக்கின்றார்கள்..ஆலயத்துக்குச் சென்று இறைவனை வழிபடும் போது இப்பிறப்பின் எதிர்காலநன்மைகளுக்காக வேண்டுகின்றனர்.. இனி எனக்கு பிறவி கிடையாது என்று முழங்கும் அபிராமிப் பட்டர், அதற்கான காரணத்தையும் விளக்குகிறார். உன் திருவடியைப் பற்றியிருக்கக் கூடிய உனது அடியார்களைப் பின் தொடர்ந்து அவர்கட்கு வேண்டிய திருப்பணிகளை நான் செய்து வருகிறேன். எனவே எனக்கு

இனிமேல் பிறவி கிடையாது.. இத்திருப்பணிகளை நான் மேற்கொள்ள வேண்டிய புண்ணியம் எனக்கு எங்ஙனம் கிடைத்தது தெரியுமா? நான் முற்பிறப்பில் பல தவங்களை இயற்றி இவ்வரத்தினைப் பெற்றேன்.

பொருட்செல்வம் மிகப் பெற்றோர், தாம் முற்பிறப்பில் செய்த புண்ணியத்தால் இந்நிலையை அடைந்ததாகப் பெருமைப்பட்டுக்கொள்கின்றனர்.. ஆன்மீக வழியில், உயர்ந்த நிலையை அடைந்த பெரியோர் யாரும் தமது முற்பிறவிப் பயனால் இது எமக்குக் கிட்டியது என்றுமுழங்கியதில்லை.. ஆனால் அபிராமிப் பட்டர் மிக உறுதியாக தனது கருத்தைத் தெளிவுபடுத்துகிறார். மூன்று உண்மைகள்.. ஒன்று. தான் முற்பிறப்பில் செய்த தவங்கள். இரண்டு. அத்தவங்கள் வாயிலாக இப்பிறப்பில் அபிராமி அன்னையின் அடியார்களுக்குச் செய்யும் திருத்தொண்டு. மூன்று. அத்திருத்தொண்டின் வாயிலாக இப்பிறப்புத் துன்பத்தை நீக்குதல். வேறெந்த பிறப்பும் ஏற்படாத உன்னத நிலையை அடைதல். இம்மூன்று உண்மைகளுக்கும் நடுநாயகமாக விளங்குவது அன்னையின் அடியாருக்குச் செய்யும் திருத்தொண்டுதான்.
"முதல் மூவருக்கும் அன்னே"

அன்னை அபிராமியே மும்மூர்த்திகளைப் பெற்றெடுத்தாள் என்பதை இன்னுமொருமுறை தனது பாடலின் வாயிலாகக் கூறுகிறார்.


"உலகுக்கு அபிராமி என்னும் அருமருந்தே" 

எதுவும் தேவையில்லை அன்னை அபிராமியை விடுத்து... என்னும் தன் நிலையில் உறுதியாக இருக்கும் அபிராமிப் பட்டர் அன்னை அபிராமி உலகத்தாருக்குக் கிடைத்த ஒரு அரிய மருந்து என்கிறார். அபிராமியை எண்ணித் துதித்தால் எந்தவித காயமும் ஆறிப்போகும். எல்லாவித நல்நிலையும் தேடிவரும் என்பதே நிச்சயமான உண்மை. உலகத்தார் செய்த புண்ணியம் அவ்வருமருந்தினைப் பெற்றிருப்பது.

"என்னே.?" 

உனது பெருமைகளையெல்லாம் எங்ஙனம் உரைப்பேன்...?

 "இனி உன்னை யான் மறவாமல் நின்று ஏத்துவனே"

இனியும் உன்னை நான் மறக்காமல் தொழுது கொண்டிருப்பேன்.

 அன்னையை மறப்பது அபிராமிப் பட்டரால் இயலுமா? எக்கணமும் உன்னை மறவாது தொழுவேன் என்று பறைகிறாரே.... துன்பத்தில் இறைவனை நினைப்பது, இன்பத்தில் இறைவனை மறப்பது .. இதுதான் உலகத்தார் வாடிக்கை.. எனவேதான் குந்தி தேவி, கண்ணனிடம் தனக்கு எப்பொழுதும் துன்பங்கள் வந்து கொண்டேயிருக்க வேண்டும் என்று வேண்டினாள். அத்துன்பங்கள் தொடர்ந்து கொண்டேயிருந்தால் 

 இறைவனை என்றும் மறவாது தேடிக்கொண்டே இருப்போம் என்பது அவரது கருத்து..

ஆனால் அபிராமிப் பட்டரால் அன்னையை மறப்பது முடியுமா? என்றும் மறப்பதில்லை... ஆயினும் தொழுதல் என்பது வேறு... மறவாதிருத்தல்
என்பது வேறு.. அன்னையை மறவாது நினைப்பது மட்டுமே புண்ணியம் தரும் செயலல்ல... நாத்திக அன்பர்கள் தினம் ஒருமுறையாவது "இறைவன் இல்லை" என்று சொல்லி இறைவனை நினைவுகூர்ந்து கொண்டிருக்கின்றார்கள். அவர்களுக்கு இறைவனின் திருவருள் கிட்டுமா? எனவே தொழுதல் முக்கியம்.. இனிமேல், எக்கணமும் உன்னைத் தொழுது கொண்டேயிருப்பேன் 
அபிராமி சரணம் சரணம்!!


                                                          பாடலை குருஜி  கற்பிக்கிறார் இசையுடன்



                                                                                                 

                                                          U Tube Link for ANDROID  and   I PAD   PHONE 

                                                               https://youtu.be/bzwYJnC3Ur4



                                                                             அன்பர்கள் இசைக்கிறார்கள் 


                                                                                                                           

                                                               U Tube Link for ANDROID  and   I PAD   PHONE 


                                                                https://youtu.be/nz_5v1oKEJY


                                              அபிராமி சரணம் சரணம்!!
                                                        முருகா சரணம்